ریجنل پاسپورٹ دفتر نے جمعرات کو سری نگر میں ایک خصوصی کیمپ کے دوران 700 سے زائد حج عازمین کے پاسپورٹ جاری کئے۔کشمیر اور لداخ کے علاقائی پاسپورٹ آفیسر دیویندر کمار نے نامہ نگاروں سے بات کرتے ہوئے کہا کہ انہوں نے مرکزی حکومت سے عازمینِ حج کے لیے خصوصی کیمپ لگانے کی اجازت طلب کی ۔
انہوں نے کہا کہ درخواست منظور کر لی گئی اور ہم نے حج کے خواہشمندوں کو راحت فراہم کرنے کے لیے آج ایک خصوصی کیمپ کا انعقاد کیا۔زیر التواءمقدمات کے بارے میں پوچھے جانے پر، انہوں نے کہا کہ دسمبر 2022 میں 6000 سے زائد مقدمات سے 2500 کے قریب ختم کر دئے گئے ہیں، اور مارچ کے آخر تک زیر التواءمقدمات کی تعداد کو صفر پر لانے کی بھرپور کوشش کر رہے ہیں