بالی ووڈ کے مشہور اداکار ستیش کوشک انتقال کر گیے

بالی ووڈ کے مشہور اداکار ستیش کوشک کا انتقال ہوگیا ہے۔ اداکار انوپم کھیر نے ٹویٹ کرکے اس افسوسناک خبر کی جانکاری دی۔ انہوں نے لکھا کہ میں جانتا ہوں کہ موت اس دنیا کی آخری سچائی ہے۔ لیکن میں نے خواب میں بھی نہیں سوچا تھا کہ میں زندہ رہتے ہوئے اپنے بہترین دوست ستیش کوشک کے بارے میں یہ لکھوں گا۔ انوپم کھیر نے لکھا کہ 45 سال کی دوستی پر ایسا اچانک فل سٹاپ۔ آپ کے بغیر زندگی کبھی ایک جیسی نہیں ہوگی ستیش! اوم شانتی۔ ستیش کوشک نے 67 سال کی عمر میں آخری سانس لی۔ اس سے قبل ستیش کوشک بھی کورونا کے دوران کووڈ سے متاثر ہوئے تھے۔ اداکار ستیش کوشک کے انتقال کے سبب بالی ووڈ میں غم کا ماحول پیدا ہوگیا ہے۔ بالی ووڈ کی کئی شخصیات نے اس خبر پر افسوس کا اظہار کیا اور مرحوم کے لئے دعائیں کی