بھارتی ٹیم کے فاسٹ بولر عمران ملک نے آئی پی ایل 2022 میں کافی خوف پھیلا رکھا ہے۔ وہ 150 کلومیٹر فی گھنٹہ کی رفتار سے مسلسل تیز گیند پھینکے کا خطاب بھی عمران ملک نے حاصل کرلیا ہے۔ انہوں نے گزشتہ سیزن میں 157 کلومیٹر فی گھنٹہ کی رفتار سے گیند پھینکی ہے۔ تب سے ان کا موازنہ شعیب اختر سے کیا جاتا ہے۔ درحقیقت کرکٹ کی تاریخ میں تیز ترین گیند پھینکنے کا ریکارڈ شعیب اختر کے نام ہے اور امید ہے کہ عمران ملک اس ریکارڈ کو توڑ دیں گے۔شعیب اختر نے 2002 میں نیوزی لینڈ کے خلاف 161 کلومیٹر فی گھنٹہ کی رفتار سے باؤلنگ کی تھی۔ یہ اب تک کی سب سے تیز گیند ہے۔ اس ریکارڈ کو توڑنے کے حوالے سے عمران ملک سے اکثر سوالات کیے جاتے رہے ہیں۔ اس بار جب عمران سے اس بارے میں پوچھا گیا تو ان کا کہنا تھا کہ اگر قسمت نے ان کا ساتھ دیا تو وہ یہ ریکارڈ توڑ دیں گے۔
عمران نے کہا، ‘اس وقت میں صرف ملک کے لیے اچھی کارکردگی دکھانے کے بارے میں سوچتا ہوں۔ اگر میں اچھا کھیلتا رہا اور خوش قسمت رہا تو میں اس ریکارڈ کو توڑ دوں گا۔ لیکن میں اس کے بارے میں زیادہ نہیں سوچتا۔ عمران نے کہا، ‘میچ کے دوران آپ کو نہیں معلوم کہ آپ نے کتنی تیز گیند بازی کی ہے۔ جب ہم میدان سے واپس آتے ہیں تو معلوم ہوتا ہے کہ گیند کی رفتار کیا تھی۔ میچ کے دوران میری توجہ گیند کو صحیح جگہ پر پھینکنے اور وکٹیں لینے کی طرف ہوتی ہے۔
