تریپورہ میں صبح 11 بجے تک تقریباً 32 فیصد پولنگ ریکارڈ

تریپورہ میں اسمبلی انتخابات کے تحت ووٹنگ کا سلسلہ جاری ہے اور صبح 11 بجے تک 32.06 فیصد پولنگ ریکارڈ کی گئی ہے۔
ریپورہ اسمبلی انتخابات کے تحت ووٹنگ کا سلسلہ صبح 7 بجے سے جاری ہے اور صبح 9 بجے تک 13.23 فیصد پولنگ ریکارڈ کی گئی ہے۔ قبل ازیں، تریپورہ میں 60 اسمبلی سیٹوں کے لئے پولنگ سخت سیکورٹی کے درمیان شروع ہوئی۔ ریاست میں پرامن پولنگ کے لیے تمام تیاریاں پہلے ہی مکمل کر لی گئی تھیں۔
ریاست کے تقریباً 28.23 لاکھ ووٹر اپنے حق رائے دہی کا استعمال کریں گے۔ یہ ووٹرز 259 امیدواروں کے مستقبل کا فیصلہ طے کریں گے۔ ووٹنگ شام 4 بجے تک ہوگی۔ ریاست کی حکمران بھارتیہ جنتا پارٹی 55 اور اس کی اتحادی پارٹنر آئی پی ایف ٹی باقی پانچ سیٹوں پر الیکشن لڑ رہی ہے۔ نو تشکیل شدہ پارٹی، تپرا موتھا، 60 میں سے 42 سیٹوں پر اکیلے الیکشن لڑ رہی ہے، جن میں سے 20 قبائلی اکثریتی ہیں۔